Back To Q8

حركنا من محطة باصات اربد على الساعة عشر ونص تقريبا صباحا..حجزنا في باصات حجازي التذكرة للشخص الواحد دينارين..الباصات حلوة ومكييييييييفة وبااااااااااردة تمام...وصلنا محطة الشمال في عمان تقريبا الساعة 12 الا خمس...وركبنا باص المطار (السارية) وحركنا الساعة 12 ظهرا..سعر التذكرة 3 دنانير للشخص الواحد ووصلنا المطار على الساعة 1ونص ظهرا

نطرنا ساعة كاملة في الكراسي الخارجية على ما افتحوا كاونتر رحلتنا...طلع علينا غرامة دفعناها ورحنا القاعة تريقنا (ريوق/غداء) وصلينا وعقب رحنا السوق الحرة

المفروض طيارتنا موعدها الساعة 6 مساءا...لكن الحمد للخ ارجموا حالنا وركبونا الطيارة مبجر على الخمس وثلث وطرنا على الساعة 6 الاربع...حركة غير معتادة من الخطوط الجوية الكويتية عسى ربي يتمم عليهم.

المعرض العلمي في التكنو

أقامت جامعة العلوم والتكنولوجيا الأردنية  بتاريخ 3 مايو 2012 في إربد معرض علمي يضم الكثير من التطبيقات والتجارب العلمية التي يستفاد منها في مجال الطب والصناعة وغيرها...للأسف حضرت المعرض في آخر الوقت وكانت أغلب التجارب قد انتهى عرضها...ولكن هذا ما استطاعت عدسة كامرتي التقاطه

Two months & half

عارفة إني من زمان ما نزلت بوست جديد .. لكن والله الحياة مشاغل .. نوعاً ما هاليومين بديت أتنفس شوي .. وقلت فرصة انزل كم موضوع في المدونة


إن شاء الله بعد كم يوم راجعين للأرض الوطن بعد غياب خمسة شهور متواصلة لم أرى فيها الأهل والأحباب .. أسأل الله أن أصل بالسلامة وهم في حال أفضل من التي تركتهم عليها

عشرة شهور قضيناها في الأردن متنقلين ما بين عمان وإربد .. واجهنا فيها الكثير من المواقف .. قابلنا الحسن والسيء من الناس ..

كانت تجربة لذيذة تستحق التكرار

لم أترك الأردن بعد ومع ذلك أشعر بالحنين للعودة مرة أخرى وخوض مغامرات جديدة في بلد النشامى

اصحــــوا بليز ! اعتراف خطير من جنرال امريكي باحتلال 7 دول خلال 5 سنوات !!

فعلا الجم يوم اللي طافوا حسيت ان الناس جد بغفله !

الثورات العربيه كلها مخطط لها وبالدليل

بعرض كذا فيديو ..

اول شغله في مخطط كبير وقديم باحتلال عده دول لتكوين " اسرائيل الكبرى "

او المعروف عندهم باسم ال NEW WORLD ORDER

النظام العالمي الجديد

اللي تكلم عنه بوش سنه 90 باحتلال الكويت

وهالشي كان مخطط عشان تلقى امريكا سبب بعدين باحتلال العراق

وبحط دليل باخر الموضوع ..

هذا خطاب بوش لما اول مره اعلن عن النظام العالمي الجديد وقت الغزو !


..................... بقية الموضوع هنا




ملاحظة: الموضوع بقلم العضورة رورو 88 في منتدى كويتيات

بيبي نخي

بياع الخضرة الفلسطيني هذاك اليوم عطانا نخي أو حمص للحين ما استوى وماطلع من الجيسه يقول طبخوه مع ماي وملح واكلوه .. لاحظتهم اهني وايد ياكلون شغلات مو مستوية .. مثل اللوز ياكلونه بعد ما يغمسونه بملح واهوا للحين لونه اخضر وداخل جيسته .. طبعا ما طبخناه ولا كلينا .. على طول فتحتها وعجبني شكلها من داخل جنها جنين .. وصورتها لكم .. يارب تعجبكم

برنجلز بالحبوب الكاملة

قبل كم يوم كنا في بقالة أفوكادو اللي جنب بيتنا ولقيت فيها أنواع كثيرة من البرنجلز. اللي لفت نظري نوع بالحبوب الكاملة.

بس طبعا كالعادة كمية الدهن فيه رهييييييييييييبة يعني ممكن نستفيد من الفايبرز اللي موجودة في الحبوب.

جاء الربيع جاء

وبدأت الأغصان تخضر والنباتات تزهر من جديد

توتة توتة .. ولا خلصت الحتوتة

أمس بالليل بعد قست سرعة انترنت يوماكس أمنية ولقيتها انحدرت كمان وكمان ربي لك الحمد :))))))

اليوم الصبح النت تعدل شوي واستبشرنا خير .. اتصل علينا الدعم الفني التابع لشركة أمنية << بعد ما موظفهم أمس قفل الخط بوجهنا
وسألونا ايش المشكلة وماعرفش شوووو .. الموهيم .. قال انو راح يبعت حد يشوف المشكلة وقفل الخط على طوووول .. ما مدانا نسأل متى وأين ولماذا وكيف ؟؟!!

سكرنا اليوماكس وفتحنا فلاشة زين بعد ما عبيناها 2 جيجا ب 11 دينار وشي

على فكرة

(( اشتراك انترنت زين الشهر لما لغيناه .. رجعنا للنظام القديم اللي هو التعبئة المسبقة ))

وفحصت سرعة النت وبصراحة انصدمت .. كانت السرعة نوعا ما ممتازة .. بس مو هذا اللي صدمني .. اللي صدمني انو لما كان اشتراكنا شهري مع زين وبسرعة اكبر -المفروض- كانت السرعة ما توصل حتى نص ميجا .. واللحين مع الاشتراك المسبق الدفع واللي المفروض سرعته اقل وصلت بل وتعدت ال 1 ميجا !!!!!!!!!!!!!!!

تحديث: أمس بالليل فجأة وبدون مقدمات وبدون ما حدا يلمس اليوماكس, تعدل النت وصار الداونلود سريع..من الفرحة بدل ما أقيس السرعة قعدت أنزل كل الملفات اللي احتاجها تحسباً يعني لو رجع النت يمشي على خطوات السلحفاة.

اليوم وعلى الموعد جانا موظف الدعم الفني من شركة أمنية وكشف على النت وسوا أشياء وضبط السرعة وصار كل شي تمام ونصحنا نغير جهاز الواي فاي..وقال لنا معلومة انو لما نجدد لما يتجدد الاشتراك ساعات تصير لخبطة في الشبكة وتصير سرعة التحميل بطيئة.

الحمد لله .. ربي لك الحمد بعد ماراح الموظف دخلنا النت وقسنا السرعة ولقيناها عال العال.

وتوتة توتة ... خلصت الحتوتة :))))))

اشتراك الانترنت الجديد

من شهر تقريبا وقفنا اشتراك الانترنت من زين لأن التغطية في شقتنا زيرووووووو

بعد الاستشارة والاستخارة اشتركي في يوماكس شركة امنية وهو عبارة عن جهاز موديم سرعته 3  ميجا

ووصلناه بجهاز واي فاي شريناه من شارع الجامعة

قسنا السرعة في موقع لقياس سرعة النت وطلع 2.33 ميجا وبصراحة وايييييييييد ممتاز وفرق عن زين بس لازم نطلع الموديم برا على الدريشة عشان الارسال

انصح فيه وبقوة

تحديث: عقب ما جددنا اشتراكنا للشهر الثاني السرعة فجأة اختفت وتحولت من 2 ميجا ونص الى أقل نصف ميجا فقط .. أعيش بدون انترنت أحسن لي من عوار الراس مع هالشركات النصابة

رحلة تسوق صباحية في السوق الحرة

بعد ما  افطرنا اليوم في الفندق  توكلنا على  الله ورحنا السوق الحرة  والحمد لقيناه فاتح

كانت الساعة  تقريبا  سبع ونص

هاذي صور مشترياتنا

تقريبا لقيت بعض بضايع سوق المطار موجودة  مو  كلها

تحديث

صور شغلات شوقتني من السوق الحرة في شارع تونس

حلاو مصاص حجم ميجا :)))))