LaPomme Cafe & Resturant

مقابل  مكة مول  ..  طلبنا كابتشينو وهوت تشوكليت وماتذكرت اصور الا  عقب ماخلصنا

الحساب طلع مع الضريبة والسيرفس 7 دنانير وقرشين

خدمات فندق ريتاج

أحلى مافي الموضوع انهم يوفرون  جليسة اطفال 

تحديث:

بوفيه الفطور

البوفيه حلو وبسيط ومتنوع نوعا ما لكن الأصناف شبه وحده .. حمص متبل .. نوعين أو ثلاث أنواع أجبان .. عسل مربيات .. فول .. لحوم باردة أكثر من نوع .. أنواع خبز وتوست وصمون .. أنواع كورن فليكس مع اختيارات من الشوفان والزبيب والإضافات الثانية .. فيه نوع عصير مع قهوة وشاي وحليب .. خضار .. باختصار متنوع وبسيط

طلبنا مرتين أو ثلاث غدا وعشا من خدمة الغرف وبصراحه أكلهم ماشي حاله .. طلبنا لزانيا وساندويش دجاج وساندويش برجر بالمشروم .. اللزانيا مع انها طبق ايطالي لكن مجهزة بطريقة عربية بحته وببهارات عربية .. ساندويش الدجاج كان مضبوط والبرجر بعد جدا لذيذ ومضبوط لكن بستايل عربي مو امريكي بس لذيييييييذ

الفندق بشكل عام حلو وبسيط وأنصح فيه .. الموظفين فيه خدومين .. لكن في حالهم مو من النوع اللي يسوون صداقات أو ياخذون ويعطون مع الزباين وهذا شي حلو وطيب

Amman Time

تحديث: معلش المفروض التحديث يصير في اخر الموضوع بس صار هووون
الفندق ماشاء الله ممتاز والموظفين ودودين وخدومين ومحترمين جدا. استمعتنا جدا في الفندق ومددنا اقامتنا ليلة اضافية. مساحة الفندق صغيرة نوعا ما فالبوفيه بالسرداب. مافيه تراس او حديقة خارجية. بس الحلو انه قريب من دوار الشيراتون وقريب من السوق الحرة وقريب منه مطاعم عمان الكبري ومطعم صيني وياباني وباخر يوم اكتشفنا انو ملاصق للفندق مطعم  لبناني او عالمي. بجانب الفندق بقالة وصيدلية. باختصار راح نكرر الزيارة.


حبينا هالويك اند نزوز عمان وتحديدا المجمع الجديد ((تاج))


حركنا من اربد الساعة 6 ونص بعد صلاة المغرب فب باصات حجازي وعلى فكرة زادوا التسعيرة من دينا وتسعمئة فلس للشخص الى دينارين للشخص


وصلنا مجمع الشمال  للباصات الساعة ثمان وربع ركبنا  تكسيورحنا لفندق ريتاج في شارع زهران الدوار الخامس بعد ما نعدي  الشراتون


حجزنا في عن طريق موقع


Booking


الفندق حلو وجديد وخدمةالنزلاء  ممتازة  ولله الحمد والمنة

الثلوج في اربد

ترى مو كمية كبيرة

مجرد طبقة رقيقة

بس عاد اسمه ثلج :)

الماء والخضرة والوجه الحسن

صور من الخضرة والشجر حوالين البيت .. سبحان الله

أجنحة كرستال

قعدنا البارحة في أجنحة كرستال في عمان عند الدوار الخامس مقابل الفورسيزن

المكان جدا نظيف والحمامات تكرمون نظيفة

الشقة اللي خذيناها غرفتين نوم ومطبخ تحضيري صغير وصالة وحمام وسعرها ب 140 دينار اردني

back from kuwait to jordan

رحنا  الكويت لقضاء اجازة منتصف العام الدراسي في الكويت ورجعنا الاردن  الخميس

الرحلة كانت على الخطوط الجوية الكويتية

كان معانا بالرحلة وليد الطبطبائي وشلته وطبعا سبب روحتهم للأردن الكل عرفه

العطر شريته من الطيارة وسعره 19 دينار كويتي والصورة الاخيرة صورة التناتيش اللي نسينا لا  نحطهم بالجنظة  وكالعادة تذكرناهم باخر لحظة

طبعا الشي الوحيد اللي اقدر اصوره هوالمنظر من الدريشة والاكل :)