فندق سينشري بارك (عمون سابقاً)

سنشري بارك هوتيل أربع نجوم، مكانه هادي كثير، بعيد عن زحمة وسط البلد، وحواليه سفارات وملاحق ثقافية.

الفندق عبارة عن دورين وسرداب فقط، الغرف من 101 وفوق في السرداب والدور الأرضي فيه غرف 201 وطالع والدور الثاني فيه غرف 301 وطالع.

صغير وراقي وأهم شي هاااااااااادي والموظفين فيه ألطف من اللطافة نفسها.

موقع الفندق (لكم شوي على الوصف)

وانت ماشي في شارع زهير، وعند الدوار الرابع بيجيك شارع اسمه تونس على ايدك اليمين << هو مدخل الفندق.

جنب الفندق مباشرة السوق الحرة وكلية السياحة والفندقة (أو شئ من هذا القبيل)، وتدريب طلبة الكلية يكون في الفندق.

يعني الواحد يكون معاهم مدلل على الآخر، لأن السالفة فيها تقييم وشهادة وتخرج ووظيفة.

في اليوم اللي وصلنا فيه كان فيه حفل زفاف <<< الله يهينهم يا رب ويوفقهم.

وشهدنا زفة المعاريس من شباك الغرفة، كانت الفرقة الشعبية المصاحبة للزفة عليهم اللبس التقليدي الأردني مع الشماغ الأحمر وماسكين دفوف وواحد فيهم ماسك (هبّان).

مطعم الفندق حلو ومتوسط الحجم بس الحلو أن فيه تيراس فيها طاولات والقعدة فيها ترد الروح. التراس يطل على حمام سباحة وملعب وممشى.